Færsluflokkur: Viðskipti og fjármál

Húsasmiðjan sektuð eftir ábendingu bargain.blog.is

Ég byrti færslu um vörur úr grunninum hjá mér sem áttu að vera á tilboði en samkvæmt mínum gögnum voru það ekki, hér:

 http://bargain.blog.is/blog/bargain/entry/760606/

 Í kjölfarið hafði Neytendastofa samband við mig og bað mig um nánari upplýsingar um þessar vörur sem ég að sjálfsögðu veitti þeim. Nú hefur Neytendastofa beytt Húsasmiðjunni stjórnvaldssekt uppá 440.000 kr.

 "Ákvörðun Neytendastofu nr. 2/2009

Neytendastofa hefur lagt stjórnvaldssekt á Húsasmiðjuna hf. að fjárhæð kr. 440.000- vegna útsölu félagsins. Taldi Neytendastofa Húsasmiðjuna hafa brotið gegn ákvæðum 5. gr., d. lið 9. gr. og 11. gr. laga nr. 57/2005 um eftirlit með viðskiptaháttum og markaðssetningu og gegn ákvæðum 2. og 3. gr. reglna nr. 725/2008 um útsölur og aðra sölu þar sem selt er á lækkuðu verði annars vegar með því að hafa vörur á útsölu í meira en sex vikur og hins vegar með því að hafa selt vörur á útsölu án þess að vörurnar hafi verið seldar á því verði sem tilgreint var sem fyrra verð."

Sjá í heild sinni hér


Taka ekki eigin inneignarnótur!

 [UPDATE á því sem er hér fyrir neðan]

Lögfræðingur neitendastofu hefur upplýst mér að það eru engar reglur til við þessu og geta fyrirtæki því mótað eigin stefnur hvað varðar inneignarnótur. Þetta tel ég vera galla á neitandalögum og lýsi yfir óánægju minni á þessu hér og nú.

[Upprunaleg færsla]

Ég keypti gallaða wok pönnu í Byggt og búið fyrir ekki svo löngu. Pannan var ekki betri en svo að húðin á henni flagnaði af við fyrstu notkun. Það var ekkert mál, ég fór með hana í Byggt og Búið í Kringlunni þar sem starfsfólkið var mjög almennilegt og gaf mér inneignarnótu þar sem það var ekki til önnur wok panna.

 Ég fór svo með þessa inneignarnótu í Byggt og Búið í Smáralind þar sem ég valdi mér aðra pönnu talsvert ódýrari en hina og nokkra spaða og fleira dót til þess að ná upp í þá upphæð sem ég á inni hjá fyrirtækinu. En ósvífnin af þeim, þeir neita að taka við nótunni úr því það er Rýmingarsala, heil 30%. Þessi peningur sem ég er búinn að borga inní fyrirtækið kominn í þeirra vasa og því hafna þeir því að veita mér smá útsöluafslátt.

Það getur tekið marga daga að ná inn nýjum viðskiptavin en aðeins örfáar mínútur að missa hann, það er eitthvað sem Byggt og Búið ætti að hafa í huga þegar þeir neita að taka eigin inneignarnótur til að spara sér 30%.

Þegar ég tjáði starfsmanni að þetta gæti ekki staðið, ég ætti þessa peninga inni hjá þeim þá kvaðst hann hafa haft samband við Neytendastofnun, ég held hann hafi átt við neytendastofu og fengið þau svör að þetta væri í lagi. Ég kem til með að hafa samband þangað og athuga hvort það fái staðist eftir helgi.


Hækkanir annarstaðar.

Mig langar bara að koma því að að vöruverð á annarskonar vöru hækkar á svipuðum ógnvekjandi hraða.

Til dæmis má nefna að frá áramótum til 27 Jan þá hafa eftirfarandi verslanir hækkað um það sem nemur:

  • Vínbúðin: 1,01% og því ekkert lát á hækkun þar. Úrtak 1774 vörur í öllum flokkum.
  • Elko: 1,13% Úrtak 5815 vörur í öllum flokkum.
  • Rúmfatalagerinn: 2,06% Úrtak 1103 vörur í öllum flokkum.
  • Húsasmiðjan: 3,98% Úrtak 4050 vörur í öllum flokkum.

Þeir sem hafa áhuga geta óskað eftir úrtakinu á Excel formi frá mér.

 


mbl.is Mótmæltu hækkun vöruverðs í Krónunni
Tilkynna um óviðeigandi tengingu við frétt

99% Afsláttur?!?

4 Vörur hjá Ikea á 99% afslætti:

EKTORP áklæði f/2ja sæta sófa...
KARLSTAD ákl h.stó Mader marg...
EKTORP áklæði á hægindastól
KARLSTAD áklæði f/2ja sæta só...

Ansi rausnarleg tilboð. Ég vill samt taka fram fyrir mitt leiti að þeir þyrftu að borga mér fyrir að hirða af þeim þessi hræðilega ljótu áklæði. En hver hefur víst sinn smekk.


Gervitilboð hjá Rúmfatalagernum

Í fréttablaðinu, bls 3 er heilsíðuauglýsing frá Rúmfatalagernum með nokkrum auglýstum útsölutilboðum. Eftirfarandi fá ekki staðist:

HORNSÓFI ÁÐUR 99.900

Nú 69.900,-

Umræddur sófi heitir MAGNI. Samkvæmt mínum gögnum þá kostaði þessi sófi 79.900,- 23.11.2008 til 7.1.2009 en kvöldið eftir sá ég að hann hafi verið hækkaður í 99.900,-. Því er tilboðið aðeins 10.000,- en ekki 30.000,- eins og þeir vilja meina í auglýsingunni.

 SEATTLE koja

Nú 12.900,-

Þessi koja (SEATTLE) kostaði 19.900,- þann 7.1.2009 og hækkaði í 24,900 daginn eftir. Hún er svo auglýst á tilboði í dag (9.1.2007) á 12.900,- úr 24.900,-.

HORNSVEFNSÓFI ÁÐUR 189.900,-

Nú 129.900,-

Þessi sófi, sem heitir ESSEN kostaði hvort eð er 129.900,- allt að 7.1.2009 en daginn eftir þá sá ég hann fyrst á 189.900 krónur.

Það er svo eitt sem vekur mig furðu í þessum tilboðum öllum og það er TUSINDFRYD sængin. Hún er aulýst á 19.900,- og á að hafa lækkað úr 29.900,- en hún fór, líkt og vörurnar hér fyrir ofan fyrst í hærra verðið 8.1.2009, EN! Þar á undan var hún á 39.900? Því raunverulegt tilboð hér á ferð en hún hefur lækkað mun meira en tilboðið segir til um ef maður reiknar það frá 7 jan.

Tilboðin hafa ekki verið færð inná vef Rúmfatalagersins.

Verðdæmin hér fyrir ofan eru rétt af bestu vitund, ég ætla hinsvegar ekki að ábyrgjast það.


Varúð! Gervitilboð hjá Húsasmiðjunni?

Þó langflest tilboð eru alvöru þá eru alltof mörg dæmi þess að vörur hækki umtalsvert, og lækki svo aftur 1 eða 2 dögum seinna og það er sagt að það sé tilboð.

Til dæmis má nefna eftirfarandi vörur. (Öll verðdæmin miðast við að upprunalegt verð var 31.12.2008, fór í seinna verðið 1.1.2009 og endaði í "tilboðsverðinu" 2.1.2009).

  • Picknicksett Barna úr Húsasmiðjunni. Á milli gamlársdags og Nýársdags þá hækkaði þessi vara úr 9.450kr í 18.900kr, bara til þess að lækka svo í 14.175 og er svo auglýst á tilboði. Meint tilboð er því 25%.
  • Verkfærasett Cosmos 100STK var á 2.999, fór í 4.995 lækkaði svo í 4.246 og er auglýst sem tilboð.
  • Verkfærasett 43 STK Toolux úr 1.599 í 2.949 í 2.507 meint tilboð, 15%.
  • Verkfærasett 8 Tangir og 5 Skrúfjárn úr 3.999 í 5.449 í 4.632 meint tilboð, 15%

Verðdæmin hér fyrir ofan eru rétt af bestu vitund, ég ætla hinsvegar ekki að ábyrgjast það.


Allar verðhækkanir Vínbúðarinnar frá 31 Okt til 20 Des

Áhugaverð frétt hjá Fréttum Sjónvarpsins í kvöld þar sem Knútur Signarsson tekur fyrir nokkur verðdæmi. Hann miðar við jólin í fyrra, ég á hinsvegar bara gögn frá því 31 október þegar allt fór af stað hjá Vínbúðinni.

http://dagskra.ruv.is/sjonvarpid/4398146/2008/12/20/6/

Til að bæta við þetta þá er hér listi yfir allar vörur sem auglýstar eru á vef Vínbúðarinnar og hvernig þær hafa þróast í verði frá 31 október.

  • 8 vörur hækkað um 60% og yfir
  • 46 vörur um 40% og yfir.
  • Meðal verðhækkun 12,49%
  • Heildar verðhækkun 10,89% Þ.E ef ég legg saman allt vöruverð 31 október og svo í dag og reikna prósentuhækkunina af því.
  • 1443 Vörur hafa hækkað í verði
  • 503 Vörur hafa ekki breyst í verði
  • 54 Vörur hafa lækkað í verði
  • 149 Vörur hafa verið teknar af söluskrá

Hér er skjal með öllum vörum sem eru ennþá á skrá hjá Vínbúðinni. Þú getur flett upp uppáhalds víninu þínu og séð hvernig verðið hefur breyst eftir fall bankanna.

 


Skrár tengdar þessari bloggfærslu:

Heildarverðhækkun hjá Elko 6,11% frá 23 Okt til 19 Des

Það er ekki spurning að vöruverð í landinu fer ört hækkandi. Hér er úrdráttur úr verðbreytingum á 5027 vörum hjá Elko.

Meðal verðhækkun á vörum er 2,47% en ef tekið er saman heildar vöruverð frá 23.10 þá er það 76.212.241 og fer uppí 80.870.822. Þetta er hækkun uppá 6,11%

Ef við miðum þetta við gengisvísitöluna (Frá Signite) þá stóð hún í 203,52 þann 23 OKT en fór í 218,23 19 DES sem er hækkun uppá 7,22%. Það hafa hinsvegar verið miklar sveiflur þar á milli eins og flestir vita og náði hækkun gengisvísitölunnar 45,83% hækkun frá 23 OKT til 19 DES þann 19 SEPT.

Ég hrósa Íslenskum verslunarmönnum fyrir að halda ró sinni á þessu miklu óvissutímum sem hafa riðið yfir okkur. Það er þó margt sem betur mætti fara, margar verðbreytingar sem ég set spurningarmerki við, falskar auglýsingar sem þarf að uppræta og almennt mikilvægt að veita verslunum aðhald. Þetta ætla ég að gera með því að fylgjast áfram náið með verðþróun hjá öllum þeim verslunum sem ég get og tilkynna bæði góða og slæma hluti hingað.

Þegar ég lagði af stað með þetta verkefni þá var hrun bankanna ekki orðið að veruleika og þetta eru því miklir umrótartímar. Ég íhugaði það að blása verkefnið af a.m.k tímabundið en hætti við það þar sem það hefur sennilega aldrei verið mikilvægara en nú að fylgjast vel með.

 

 


Skrár tengdar þessari bloggfærslu:

Verðhrun á DVD, PC og PS2 myndum og leikjum.

Ég hef tekið eftir því að eftir að myndir og tölvuleikir hafa verið á markaði í smá tíma þá hríðfalla þær í verði. Ég var til dæmis með stráknum mínum í Elko fyrir svona 3 mánuðum síðan að leifa honum að velja sér mynd á 3000 krónur eða minna. Hann vildi fá Bee Movie sem var þá á 2195. Ekkert mál ég keypti hana, en í dag, aðeins örfáum vikum seinna þá kostar þessi mynd 895. Aðrar myndir sem fylgja sama fordæmi eru:

Og margar fleiri sem hafa fallið svipað í verði

Smelltu á hlekkin hér fyrir ofan til að fá lista yfir 46 aðrar myndir sem hafa fallið yfir 50% í verði síðan frá því í Október og fást nú á frá 195kr. og uppí 2495. Þessar 2 DVD myndir sem eru á 2495 eru heilar seríur með The King of Queens, restin er á 1995 og lægra.

Tekið skal fram að það er sjálfvirkur veflesari sem safnar verðupplýsingum af vef elko.is. Ég ber enga ábyrgð á því að þau verðdæmi sem hér koma fram séu rétt.


Skrár tengdar þessari bloggfærslu:

Það getur skipt máli hvar þú kaupir lyfin.

Það er oft mikill munur á verði milli lyfjaverslana. Nískupúkinn er með reglulegan verðsamanburð milli lyfjaverslana.

http://niskupukinn.is/?sID=5&cID=16


mbl.is Svefnlyf hækka í verði – stinningarlyf lækka
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband